Contact
Doorstroomtoets Bonaire
Doorstroomtoets Bonaire

Pretèst 

Meta di pretèst

Na òktober 2025 nos ta organisá un pretèst pa e Doorstroomtoets Bonaire. Un pretèst tin entre otro komo meta, pa haña un promé balorashon di e kalidat di e preguntanan di e prueba.  Nos ta usa e kontestanan riba e preguntanan di e prueba huntu ku evaluashon di maestro riba e pruebanan i e eksaminashon, pa nos hasi e último adaptashonnan. E pretèst ta alabes un bon momento pa maestro i alumno praktiká ku e prosedura di eksaminashon. Tambe kada skol ta risibí resultado di su alumnonan. Pa e parti Papiamentu, nos a hasi uso di e indikashon den e Kuadro di Referensia Papiamentu. E parti NVT ta basá riba e Kuadro di Referensia Oropeo anto e parti Aritmétika ta basá riba e Kuadro di Referensia Idioma i Aritmétika. 

Nederlands

Periodo di eksaminashon

Tin ún periodo di eksaminashon: di 22 di òktober te ku 29 di òktober 2025. 

Planifikashon di e pruebanan 

E pruebanan di kada dia i e sekuensia di dia ta determiná kaba. Denter di e periodo di pretèst un skol por skohe kua ta e kuater dianan di prueba (p.e. djárason dia di prueba 1, djaweps dia di prueba 2, djaluna dia di prueba 3 anto djamars dia di prueba 4).

Si un alumno falta algun pregunta pa traha anto ya e tempu a kaba, bo por skohe pa duna e alumno èkstra tempu pa e finalisá e prueba. No tin tempu límite mará na e prueba. No por finalisá e prueba riba un otro dia.  

Guia pa preparashon i eksaminashon di e pretèst 

Naturalmente nos ta bai guia e skolnan ku preparashon i eksaminashon di e pretèst.  

Kolaboradónan di Bureau ICE lo ta presente na kada skol durante e pretèst. Nos ta informá bo via e-mail tokante esaki. 
Gustosamente nos ta duna bo e oportunidat pa hasi tur bo preguntanan relatá na e eksaminashon durante un seshon virtual di mei ora dia 13 di òktober di 14.00 – 14.30 or (AST). Por fabor tuma kontakto ku nos sekretariado di proyekto na doorstroomtoets.bonaire@bureau-ice.nl.  

Preparashon pa e eksaminashon 

Nos ta konsehá bo pa tuma bon nota di e manual previo na e eksaminashon:

Bo ta haña ehèmpelnan di prueba riba e página prinsipal di Doorstroomtoets Bonaire, bou di e titular Ehèmpel di prueba.

Ehèmpel di prueba

Sekresía

Atenshon! No ta permití saka material di Doorstroomtoets Bonaire den publisidat. Esaki ta konta tantu promé komo despues di e pretèst. Un kolaboradó di Bureau ICE ta entregá e bukinan di teksto na skol i rekohé nan atrobe na final di e periodo di eksaminashon. Alumno no por bai kas ku e buki di teksto tampoko.