Doorstroomtoets Bonaire
Doorstroomtoets Bonaire

Doorstroomtoets Bonaire

For di aña eskolar 2025-2026 skolnan den enseñansa primario na Bonaire ta disponé di nan propio doorstroomtoets. Ku e lei doorstroomtoets po ta obligatorio pa skolnan kompilá un konseho di skol den grupo 8 pa un alumno i eksaminá un doorstroomtoets. E konseho di skol ta intenshoná pa yuda alumnonan skohe e tipo di enseñansa sekundario mas adekuá. 

E doorstroomtoets ta funshoná komo un balorashon ophetivo banda di e konseho di skol. E doorstroomtoets ta balorá e konosementu i abilidat di un alumno riba tereno di Papiamentu, Hulandes komo idioma strañero (NVT) i Aritmétika. E doorstroomtoets ta desaroyá spesífikamente pa Boneiru, loke ta nifiká ku e konteksto ta rekonosibel pa e muchanan na Boneiru. 

Ministerio OCW a skirbi un destaho na 2023 pa desaroyo di e Doorstroomtoets Bonaire. Bureau ICE a gana e destaho akí.  

Periodo di eksaminashon

E periodo di eksaminashon di Doorstroomtoets Bonaire ta di djamars 13 di aprel 2027 te ku djabièrnè 16 di april 2027.

Pa kousa di malesa òf un otro motibu un alumno mester traha un prueba ainda? Tuma kontakto na doorstroomtoets.bonaire@bureau-ice.nl.

Planifikashon di e pruebanan 

A repartí e pruebanan den kuater dia. Kada dia un alumno ta traha dos prueba. E sekuensia di e pruebanan pa kada dia i e sekuensia di dia ta determiná kaba.

Si un alumno falta algun pregunta pa traha ainda anto ya e tempu a kaba, ta posibel duna e alumno èkstra tempu pa por finalisá e prueba. No tin un tempu límite mará na e prueba. 

Preparashon pa e eksaminashon 

Nos ta konsehá bo pa wak e siguiente materialnan previo na e eksaminashon: 

Reunion pa mayor

Bo ta organisá un reunion pa mayor tokante e doorstroomtoets? Bo por hasi uso di e Presentatie Doorstroomtoets Bonaire (vershon 2026).

Ehèmpel di prueba 

Tambe nos ta sugerí pa un siman promé ku e eksaminashon, pa wak e ehèmpelnan di prueba klasikalmente huntu ku bo alumnonan. Bo alumnonan por traha e pruebanan akí nan mes tambe. E ehèmpel di prueba ta konsistí di algun pregunta limitá ya asina e alumno por kustumbrá na e manera di hasi pregunta i kon ta kontestá. 

Rapòrt di alumno

Nos ta mustra tur resultado den un rapòrt di alumno. Un bista general kla di tur nivel alkansá i un konseho di tipo di skol.

Den e Guia pa lesa ta splika kon bo por interpretá e resultadonan korektamente. Tambe ta eksistí un vershon pa mayor/tutor.

Nesesario pa e eksaminashon

  • Kòmpiuter (sala di kòmpiuter)   
  • ‘Headphone’  
  • Papel di klat  
  • Buki di teksto (bo ta risibí esaki na komienso di e eksaminashon serka e kolaboradónan di Bureau ICE) 

Sekresia

Atenshon! No ta permití saka material di Doorstroomtoets Bonaire den publisidat. Esaki ta konta tantu promé komo despues di e eksaminashon. Un kolaboradó di Bureau ICE ta entregá e bukinan di teksto na skol i rekohé nan atrobe na final di e periodo di eksaminashon. Alumno no por bai kas ku e buki di teksto tampoko. 

Pretèst

Tur aña nos ta organisá un pretèst, e aña akí na yanüari 2027.